بەشار ئەسەد سەرۆکی پێشووی سوریا و هاوسەرەکەی
مافی پەنابەرێتیان وەرگرت
بەشار ئەسەد و خێزانەکەی لە روسیان
964+
شۆڕش قادری
دوای هەڵاتنی لە سوریا، بەشار ئەسەد خۆی و خێزانەکەی گەیاندووەتە روسیا و مافی پەنابەرێتیان لەو وڵاتە وەرگرتووە.
ئاژانسی هەواڵی تاسی روسیا لەزاری سەرچاوەیەک لە کۆشکی کرملین بڵاویکردووەتەوە کە بەشار ئەسەد و ئەندامانی خێزانەکەی گەیشتوونەتە مۆسکۆی پایتەختی روسیا و حکومەتی ئەو وڵاتە بە هۆکاری مرۆیی، مافی پەنابەرێتی پێداون.
ئاماژەی بەوەشکردووە، حکومەتی روسیا بەردەوام پشتیوانی لە چارەسەری سیاسی بۆ قەیرانی سوریا دەکات.
ئەوەش لەکاتێکدایە، دوای رووخانی حکومەتەکەی، بەشار ئەسەد و ئەندامانی خێزانەکەی دیار نەمابوون و دەنگۆی جۆراوجۆر لەبارەی چارەنووسیان بڵاودەبووەوە.
بەرەبەیانی ئەمڕۆ یەکشەممە 8.12.2024، دوای 53 ساڵ لە دەسەڵاتداری بنەماڵەی ئەسەد، هێزەکانی ئۆپۆزیسیۆن چوونە ناو دیمەشقی پایتەختی سوریا، سەرۆک کۆمار هەڵات و حکومەتەکەی ئەسەد کەوت.
"کەوتنی رژێمی دەسەڵاتداری سوریا سەردەمێکی نوێی هێناوەتە کایەوە"
مەزڵوم عەبدی: روخانی رژێمی سوریا ساتەوەختێکی مێژوویە
