لە هەشت مانگدا

نزیکەی یەک ملیۆن و 260 هەزار تۆن کاڵا لە پەروێزخانەوە هاوردە کراوە

09:38

964+

شۆرش قادری

هاوردەی کاڵا لە دەروازەی نێودەوڵەتیی پەروێزخانەوە بەڕێژەی 20٪ زیادی کردووە.

ئاژانسی هەواڵی ئیرنا لە زاری عەلی ئەسغەر عەباس زادە بەڕێوەبەری گومرگی کرماشان بڵاویکردووەتەوە، “لە 21.3.2024 تا 21.11.2024 یەک ملیۆن و 258 هەزار و 926 تۆن کاڵا بە بەهای 638 ملیۆن و 548 هەزار دۆلار لە مەرزی پەروێزخانەوە هەناردەی هەرێمی کوردستان و عێراق کراوە”.

ئاماژەی بەوەش کردووە، رێژەکە بەراورد بە ساڵی رابردوو لەو کاتەدا 20٪ زیادی کردووە.

بەڕێوەبەری گومرگی کرماشان راشیگەیاندووە، زۆربەی ئەو کاڵایانەی لە دەروازەی نێودەوڵەتیی پەروێزخانەوە گومرگ کراون و هەناردە کراون، میوە و سەوزە و کەرەستەی بیناسازی بوون.

دەروازەی سنووریی پەروێزخان دەکەوێتە سنووری گەرمیان و یەکێکە لە دەروازە نێودەوڵەتییەکانی هەرێمی کوردستان لەگەڵ کۆماری ئیسلامی ئێران.