رووداوی هاتوچۆ
هاوڵاتییەک لە رێگای مەرزی پەروێزخان گیانی لەدەست دا
964+
میلاد جەلال – گەرمیان
کەمێک پێش ئێستا لەسەر رێگای مەرزی نێودەوڵەتیی پەروێزخان، دوو ئۆتۆبێل بەیەکیاندا کێشا و کەسێک گیانی لەدەست دا.
سامان عەلی، وتەبێژی ھاتوچۆی گەرمیان بە 964ى وت، “رووداوەکە لەسەر رێگای مەرزی نێودەوڵەتیی پەروێزخان، لە نێوان دوو ئۆتۆمبێل لە جۆرەکانی توێتا کرۆلا تاکسی و سپۆرتاجێکی تایبەت روویداوە”
ئاماژەی بەوەش کرد، ھەردوو ئۆتۆمبێلەکە تەنیا شۆفێریان تێدابووە، شۆفێری تاکسییەکە گیانی لەدەستداوە و ئەویتریشیان بێھۆشە و لە نەخۆشخانەی فریاکەوتنی شەھید ھەژارە لە کەلار”.
پێداچوونەوە: ئەرسەلان عەبدوڵا
