نرخی نەوت لە بازاڕی جیهانیدا بەرزبووەوە

شۆڕش قادری

نزیکەی دوو هەفتەیە نرخی نەوت لە نێوان 70 بۆ 75 دۆلار دێت و دەچێت و ئەمڕۆش بەراورد بە دوێنێ نرخی یەک بەرمیل نەوت، نزیکەی دوو دۆلار بەرزبووەوە.

ئەمڕۆ چوارشەممە 4.12.2024، نرخی یەك بەرمیل نەوتی خاوی برێنت لە بازاڕی جیهانیدا بە 73 دۆلار و 82 سەنت دیاری کراوە.

هەروەها نرخی یەك بەرمیل نەوتی سووكی تێكساس بە 70 دۆلار و 12 سەنت مامەڵەی پێوە دەکرێت و بەراورد بە دوێنێ نزیکەی دوو دۆلار بەرزبووەتەوە.

ئاگربەست لە لوبنان و دۆخى ئێستای سوریا، دوو هۆکاری سەرەکین کە کاریگەرییان لەسەر نرخى نەوت هەیە و ئەگەر دۆخى سوریا ئاڵۆز نەبوایە ئەگەری هەبوو نرخى نەوت زیاتر بەرز ببێتەوە.