وەزیری بەرگری عێراق سەردانی ناوچەسنوورییەکانی نێوان عێراق و سووریا دەکات بە مەبەستی دڵنیابوونەوە
بەهۆی ئەو شەڕەی لە سووریا هەیە
رۆشتنەکەی وەزیری بەرگری عێراق بۆ شەنگال داخستنی سنوورەکانی بەدوادا هات
964+
ژوولی عەدنان
ئەمڕۆ شەممە 30.11.2024 وەزیری بەرگری عێراق سەردانی شەنگالی کرد بە مەبەستی دڵنیابوونەوە لە پارێزگاریکردنی سنووری وڵات و ئەو باروودۆخە ئاڵۆزەی لە سووریا روودەدات.
پەرلەمانی عێراقیش داوای لە سەرۆک وەزیران کردووە کە خۆی چاودێری دۆخەکە بکات و هێزەکانی سنوور بخاتە حاڵەتی ئامادەباشییەوە.
ماوەی سێ رۆژە لە سوریاو بە دیاری کراوی لە حەلەب و ئیدلب شەڕێکی قورس لە نێوان هێزەکانی حکومەتی سووریا و هێزەکانی تەحریر شام کە گروپێکی چەکدارین بەردەوامە، بۆیە سەرۆکی پەرلەمانی عێراق ئەوەی راگەیاند کە ئەو شەڕە رەنگە ببێتە هۆکارێک بۆ تێکدانی ئاسایشی ناوچەکە و تەنانەت عێراقیش.
لەلایەکی دیکەوە ئەمڕۆ وەزیری بەرگری سابت عەباسی گەیشتە شەنگال و ناوچە سنوورییەکان بە مەبەستی دڵنیابوونەوە لە ئاسایشی ناوچەکە و سنووری نێوان عێراق و سووریا.
دوا بەدوای ئەو سەردانەش بە بڕێرای سوودانی سەرجەم سنورەکان لەگەڵ سووریا داخران.
لە بەرەبەیانی چوارشەممەی رابردووەوە شەڕی نێوان هێزەكانی حكومەتی سوریا و گرووپە چەكدارە جیاوازەكان لە نزیک شاری حەلەب دەستیپێكردووەتەوە، ئەمڕۆش دەستەی تەحریر شام کە گروپێکی چەکداریی توندڕەوە چووەنا و شاری حەلەب و دواتر لیوا یەحیا رەسوڵ وتەبێژی فەرماندەی گشتی هێزە چەکدارەکانی عێراق، رایگەیاند، سنووری وڵاتەکەی لەگەڵ سوریا بە توندی پارێزراوە و ئاسایشێكی بەهێزی هەیە.
عێراق: سنوورمان لەگەڵ سوریا توندوتۆڵ و پارێزراوە
