پاشماوەیەکی جەنگی دۆزراوە وێنە: دەزگای گشتی کاروباری مین
لە گوندی تووتەقەڵی ئاغجەلەر
هاوڵاتییەک گوللە ئاڕپیجییەکی لە زەویەکەیدا دۆزییەوە
964+
ژێوار خدر
تیمەکانی دەزگای گشتی کاروباری مینی سلێمانی، ئەمڕۆ هەینی 29.11.2024، ئاگادار کراونەتەوە لە هەبوونی گوللە ئاڕپیجییەک، کە هاوڵاتییەک لە کاتی کێڵانی زەوییەکەیدا لە گوندی تووتەقەڵی ناحیەی ئاغجەلەری سنووری چەمچەماڵ دۆزیویەتەوە.
دەزگای گشتی کاروباری مین رایگەیاند، تیمی تەقاندنەوەی بەڕێوەبەرایەتی گشتی کاروباری مینی سلێمانی، دەستبەجێ سەردانی شوێنەکەیان کردووە بۆ چارەسەرکردنی گولە ئاڕپیجییەکە.
دەشڵێت، گولە ئاڕپیجییەکە گوازراوەتەوە بۆ شوێنێکی پارێزراو و لە داهاتوودا لەناوی دەبەن.
