ویستی باڵندە کێوییەکان راو بکات بەڵام پۆلیس دەستگیری کرد

ژێوار خدر

پۆلیسی دارستانی دوکان راوچییەکان دەستگیر کرد کە سەرقاڵی راو کردنی باڵندەی کێوی بوو لە دەریاچەی دوکان.

بەڕێوەبەرایەتی پۆلیسی دارستان و ژینگەی سلێمانی رایگەیاند، دوای ئەوەی زانیارییان پێگەیشتووە، کە کەسێک لە دەریاچەی دوکان باڵندەی کێوی راو دەکات، مەفرەزەیەک لە کارمەندانی پۆلیسی دارستانی دوکان گەیشتوونەتە سەر دەریاچەکە و راوچییەکەیان دەستگیر کرد و دەستیشییان گرت بەسەر دوو باڵندەی واشەی زیندوو، پێنج باڵندەی کۆتری زیندوو، 11 داوی راوی باڵندە، دووربینێکی رۆژ و بەلەمێک.

دەشڵێت، بە بڕیاری دادوەر ئێستا تۆمەتبار راگیراوە.

بەڕێوەبەرایەتییەکە روونیشیکردووەتەوە، ئێستا کە وەرزی کەڵەهەرزە، لە پێناو پارێزگاری لە ئاژەڵە کێوییەکانی چیای پیرەمەگرون و رێگریکردن لە راوکردنیان، مەفرەزەیەك لە کارمەندانی بنکەی پۆلیسی دارستانی پیرەمەگروون چیای پیرەمەگروونیان کێوماڵکردووە، چاودێری سنوورەکە دەکەن.