کاتی سەرژمێرییەکانی پێشوو بزانە
37 ساڵی تەواوە لە کوردستان سەرژمێری نەکراوە
+964
ژووری هەواڵ
سەرژمێرییەکەی ئەم چەند رۆژە دەبێتە دەیەمین سەرژمێری لە مێژووی عێراقدا، بڕیاربوو هەموو 10 ساڵ جارێک لە سەرژمێری ئەنجام بدرێت، بەڵام نەکرا.
دواجار کە خەڵکی کوردستان بەشداریی سەرژمێریی گشتی کردووە ساڵی 1987 بووە، دوای راپەڕین جارێکیتر لە عێراق کرا، بەڵام هەرێمی نەگرتەوە.
سەرژمێرییەکانی پێشوو بەم شێوەیە بوون:
１. ساڵی 1920 – ئەمە یەکەمین سەرژمێری بوو بەریتانیەکان ئەنجامیاندا.
２. ساڵی 1927 – ئەنجامەکانی رەتکرایەوە لەبەر ئەوەی هەڵەی زۆر تێدابوو.
３. ساڵی 1934 – سێیەمین سەرژمێری بوو بە مەبەستی رێکخستنی هەڵبژاردن.
４. ساڵی 1947 – دوای ئەم سەرژمێرییە دەسەڵاتدارانی عێراق بڕیاریاندا هەموو 10 ساڵ جارێک سەرژمێری ئەنجام بدرێت.
５. ساڵی 1957 – ئەمە دوا سەرژمێریی سەردەمی پاشایەتی بوو.
６. ساڵی 1965 – یەکەمین سەرژمێریی سەردەمی کۆماری.
７. ساڵی 1977
８. ساڵی 1987 – ئەمە دوا سەرژمێریی بوو، کە خەڵکی کوردستان تێیدا بەشداربوون.
９. ساڵی 1997 – ئەم سەرژمێرییە هەرێمی کوردستانی نەگرتەوە
