ئیدارەی کەرکوک چوار ژمارە تەلەفۆنی بۆ سەرژمێری کارا کرد

964+
ئەحمەد مستەفا

بۆ رۆژانی قەدەگەی هاتوچۆ و کاری تیمەکانی ئامار بۆ سەرژمێری، ئیدارەی کەرکوک جوار ژمارە تەلەفۆنی بەردەست خستووە، تا هەر سکاڵایەک هەبوو پێیان بگەیەنن.

ژمارەکان لە ژووری پرۆسەی سەرژمێری لە پارێزگای کەرکوک بۆ وەرگرتنی سکاڵا و پرسیارەکانی تایبەت بە رۆژەکانی بەڕێوەچونی پرۆسەی سەرژمێری گشتین، هەرکات پەیوەندیتان کرد، وەلامتان دەدەنەوە.

07779278620
07779278630
07779278610
07779278540

چەند کاتژمێرێکى کەمى ماوە قەدەغەى هاتوچۆ بخرێتە بوارى جێبەجێکردنەوە، بەڵام ئیستا بە لێشاو کەرکوکییەکانى دانیشتووى شارەکانى هەولێر و سلێمانى و دهۆک دەگەڕێنەوە بۆ شارەکەیان، سبەی و دوو سبەی سەرژمێری گشتییە.

یەکێک لەو هاوڵاتیانە قسەى بۆ 964 کردووە و دەڵێت،”ئەوە بۆ حیزبایەتى نییە و بۆ کوردبوونە، بۆیە داوا دەکەم هەمووان بگەڕێنەوە و بەشدارى لە سەرژمێرى بکەن”.

نرخى گەیاندنى سەرنشین بۆ کەرکوک بەرز بووەتەوە