پارێزگای نەینەواش كردی بە پشووی فەرمی

ئەرسەلان عەبدوڵا

پارێزگاری نەینەوا (موسڵ) رایگەیاند سبەی لە تەواوی پارێزگاكەی پشووی فەرمییە، پشووەكە قوتابخانەكانی سەر بە پەروەردەی نەینەواش دەگرێتەوە، كە لە هەولێر و دهۆكن.

نووسینگەی راگەیاندنی پارێزگاری نەینەوا عەبدولقادر دەخیل لە راگەیاندراوێكدا، كە كۆپییەكی دەست 964 كەوتووە، بڵاویكردەوە، سبەی لە پارێزگاكەیان پشووی فەرمییە و دەوام نییە، پشووەكە ئەو قوتابخانانەش دەگرێتەوە، كە لە پارێزگاكانی هەولێر و دهۆكن و سەر بە پەروەردەی نەینەوان.

هەروەها ئاماژەیان بەوەداوە، بڕیارەكە بۆ ئەوەیە مامۆستایان و كادیرانی پەروەردە و خانەوادەكانی موسڵ، كە لە هەولێر و دهۆكن، بتوانن بگەڕێنەوە و بەشداریی سەرژمێریی گشتی بكەن.

هەر بۆ هەمان مەبەست ئەمڕۆ لە پارێزگاكانی كەركوک و کەربەلاش پشووی فەرمی راگەیاندراوە.

بڕیارە رۆژانی 20 و 21ی ئەم مانگە پرۆسەی سەرژمێریی گشتی لە عێراق و هەرێمی كوردستان بەڕێوەبچێت، پرۆسەی تۆماركردنی داتا و زانیارییەكانیش دەستیپێكردووە.