چه‌ند دیمهنێك له كاتى چاندنى درهختهكان له چوارقوڕنه... وێنه: شاره‌وانى چوارقوڕنه.
زیاتر له 1000 دار ده‌چێندرێت
ته‌واوى شه‌قامى گشتى و ناوخۆییه‌كانى ناحیه‌ى چوارقوڕنه به گوڵ و دره‌خت ده‌رازێندرێنه‌وه
964+
فەرهاد حەسەن
شاره‌وانى چوارقوڕنه ده‌ستى كردووه به چاندنى دره‌خت و گوڵ له شه‌قامه سه‌ره‌كى و ناوخۆییه‌كانى ناحیه‌كه و سه‌رۆكى ذارەوانیش ده‌ڵێت، دار و گوڵه‌كان به‌رهه‌مى نه‌مامگه‌كه‌ى خۆیانن.
حه‌سه‌ن زرار، سه‌رۆكى شارەوانی چوارقۆڕنه به964ـى وت، له دوێنێوه ده‌ستیان به چاندنى دره‌خت و گوڵه‌كان كردووه و هه‌فته‌یكی دیكه‌ى پێویسته تاوه‌كو چاندنه‌كه‌یان كۆتایی پێدێت.
وتیشی “جگه له گوڵه‌كان كه جۆراوجۆرن زیاتر له هه‌زار دره‌ختى جۆراوجۆریش به‌درێژایی شه‌قامه سه‌ره‌كى و ناوخۆییه‌كان ده‌چێندرێت”.
ئاماژه‌ى به‌وه‌شكرد، ئه‌و گوڵ و دره‌ختانه‌ى ده‌یچێنن له جۆره‌كانى سنه‌وبه‌ر، توو و چه‌ند جۆرێكی دیكه، هه‌موویان به‌رهه‌مى نه‌مامگه‌كه‌ى خۆیانن كه به ناوى نه‌مامگه‌ى چواڕقوڕنه له ئیداه‌رى راپه‌ڕین نه‌مام و گوڵ به‌رهه‌مده‌هێنێت.
روونیشیكرده‌وه، هه‌موو هه‌وڵێكیان ئه‌وه‌یه به‌رده‌وام ده‌بن له زیادكردنى رێژه‌ى سه‌وزایی له سنوورى ناحیه‌كه‌یاندا.
