پاسپۆرتی ئاکرێ لە خەمی فەرمانبەران دەوامی کرد بە دوو شەفت

964+
ئەحمەد مستەفا

نووسینگەی پاسپۆڕتی ئاکرێ، ماوەی رۆژانەی دەوامی کارمەندەکانی درێژ کردەوە و کردی بە دوو شەفت، تا ئەو فەرمانبەر و کەسانەی لە پێش نیوەڕۆ ناتوانن سەردانیان بکەن، لە پاش نیوەڕۆ بچنە لایان.

نووسینگەکە پاسپۆڕت بۆ دانیشتووانی، سنووری ئاکرێ، بەردەڕەش و شێخان دەردەکات لە سنووری پارێزگای دهۆک.

لە نووسراوێکدا کە وێنەیەکی گەیشتووە بە 964 و مۆری نووسینگەی پاسپۆڕتی ئاکرێی لەسەرە، نووسینگەکە دەڵێت، ئاگاداری دانیشتووانی ئاکرێ، بەردەڕەش و شێخان دەکەین، ئێستا، بە دوو شەفت و لە کاتژمێر 8:00ی بەیانی بۆ کاتژمێر 5:00ی ئێوارە لە ئەرکدا دەبن.

ئەو کەسانەی تائێستا بەهۆی دەوامەوە دەرفەتیان بۆ نەڕەخساوە، پاسپۆرت نوێ بکەنەوە یان ببنە خاوەن پاسپۆرتی خۆیان، ئێستا رۆژانە لە کاتژمێر 8:00 بۆ 4:00 دەتوانن، بە ئەلیکترۆنی نۆرە بگرن و کەی کاتیان بۆ دیاری کرا بچن.

نووسینگەی پاسپۆڕتی ئاکرێ، هۆکاری بڕیارەکەی بۆ سوودمەندبوونی فەرمانبەرانی کەرتی گشتییی و دروستنەبوونی قەرەباڵغی و لۆد لەسەر کارەکانی نووسینگەکە گەڕاندووەتەوە.

نووسراوەکەی نوسینگەی پاسپۆڕتی ئاکرێ؛

پاسپۆرتی هەڵەبجە بۆ هاوڵاتیانی: رۆژانە کاتژمێر 10:30 خولەک سەردانمان بکە