لە سۆران ئاو چووە ناو حەوشەی چەند ماڵێکەوە - وێنە: بەرگری شارستانی سۆران
بەهۆی بارانی بەلێزمە
لە سۆران ئاو چووە ناو چەند ماڵێکەوە
964+
شۆڕش قادری
لە سۆران بارانێکی باش باری و ئاو چووە ناو چەند ماڵێکەوە، بەرگری شارستانی بەهانایانەوە چوو و کێشەکەی بۆ چارەسەر کردن.
کاروان میراودەلی وتەبێژی بەرگری شارستانی سۆران بە 964ـی وت، “ئەمڕۆ دووشەممە 11.11.2024 باڕانێکی بەلێزمە و بەخوڕ باری و بەوهۆیەوە ئاو چووەناو حەوەشەی سێ ماڵەوە”.
“دوای ئاگادارکردنەوەمان لە رووداوەکە، دەستبەجێ دوو تیممان رەوانەی شوێنەکە کرد و توانیان ئاوەکە لەنێو حەوشەی ماڵەکان دەربکەن، بێ ئەوەی هێچ زیانێکی هەبێت”، کاروان میراودەلی وای وت.
ئاماژەی بەوەشکرد، لەئێستاشدا باران بارین لە ناوچەی باڵەکایەتی و سۆران بەردەوامە و تیمەکانیان لە حاڵەتی ئامادەباشیدان بۆ هەر حاڵەتێکی نەخوازراو.
