لە شارەزوور
وەزیری تەندروستی نەخۆشانی سکچوون و رشانەوەی بەسەرکردەوە
964+
بڕوا مەجید – شارەزوور
وەزیری تەندروستی هەرێم نەخۆشانی سکچوون و رشانەوەی لە شارەزوور بەسەرکردەوە و رایگەیاند، ئاماری نەخۆشەکان بەرەو کەمبوونەوە دەچێت.
سامان بەرزنجی وەزیری تەندروستی حکومەتی هەرێم بە 964ـی وت، “لە دوێنێوە ژمارەی نەخۆشانی سکچوون و رشانەوەی لە قەزای شارەزوور زۆر کەم بووەتەوە و نەخۆشییەکەش بەرەو نەمان دەچێت.”
ئاماژەی بەوەشکرد، پێویستە لەرێی چاککردنەوەی تۆڕەکانی ئاو رێگە لە دووبارە سەرهەڵدانەوەی ئەو نەخۆشییە بگیرێت.
لە شەوی چوارشەممەی هەفتەی رابردوەوە، لێشاوی توشبوون بە سکچوون و رشانەوە لە گەڕەکی هەواران و شارستانی قەزای شارەزوور بە گومانی پیسبوونی ئاو تۆمار دەکرێت و زیاتر لە دوو هەزار و 600 کەسی تێپەڕاندووە.
پێداچوونەوە: شۆڕش قادری