“رێژەی سەوزایی لە دهۆك زیاترە لە 13%”

964+

ئەرسەلان عەبدوڵا

سەرۆكایەتی شارەوانیی دهۆک ئاشكرای كرد، پلانی چاندنی 100 هەزار گوڵ و نەمامیان دەستپێكردووە، گوڵەكانیش بەرهەمی خۆماڵیین.

شارەوانیی دهۆک لە پەیجی فەرمیی خۆیان بڵاویانكردەوە، چەند رۆژێكە هەڵمەتەكەیان دەستپێكردووە و پلانیان وایە 100 هەزار گوڵ و نەمام بچێنن.

هەروەها ئەوەیان باس كردووە، تیمی ئەندازەی پاركەكان رۆژانە كار لە ناو سەنتەری بازاڕی دهۆک دەكەن و گوڵی وەرزی دەچێنن.

“ئامانج لەم كارە جوانكردنی شەقام و بازاڕەكانی شاری دهۆك و زیادكردنی رێژەی سەوزاییە”، شارەوانیی دهۆک وادەڵێن.

بە گوێرەی زانیارییەكانی سەرۆكایەتیی شارەوانیی دهۆک، لە شارەكەدا زیاتر لە 400 پارک و باخچە هەن و رێژەی سەوزاییش لە شارەكە لە 13% زیاترە.

پرۆژه‌ی ماسیی "سه‌له‌مون"ـى دهۆك ده‌ست به‌ به‌رهه‌مهێنان ده‌كاته‌وه‌