“پێویستە خاوەن كارەكان رێگە بە كارمەندانیان بدەن بچن بۆ دەنگدان”

ئەرسەلان عەبدوڵا

لیژنەى ئەمنیى هەڵبژاردنى پارێزگاى هەولێر، لە راگەیاندراوێكدا ئاگاداری خاوەن کار و کۆمپانیاکانى کەرتى تایبەتیى سنوورى پارێزگاى هەولێر دەكاتەوە، سبەی بۆ دوو كاتژمێر رێگە بە كارمەند و كرێكارەكانیان بدەن بەشداریی دەنگدان بكەن.

داواش لە كرێكار و كارمەندان دەكەن، ئەگەر خاوەن كار رێگەی پێنەدان، پەیوەندی بە ژمارە تەلەفۆنی  07504630101بكەن

راگەیاندراوی لیژنەكە بەم جۆرەیە:

بڕیارماندا سەرجەم کۆمپانیا و خاوەنکارانى کەرتى تایبەت ماوەى 2 کاتژمێر مۆڵەت بدەن بە کارمەند و کرێکارانیان، تاکو لەو مافەى خۆیان بێبەشن نەبن و بەشداربن لەو پڕۆسە دیموکراتییە و دەنگ بدەن، سەرجەم رێگاکان و بازگەکانى سنوورى پارێزگاى هەولێریش کراوەیە و هاتوچۆى هاوڵاتیانیش بە ئۆتۆمبێل لە ناوشار و قەزا و ناحیەکان ئاساییە و رێگەپێدراوە.

ئاگاداری سەرجەم کارمەند و کرێکارانی کۆمپانیاکانیش دەکەینەوە، هەر خاوەن کار و کۆمپانیاییەک رێگەی پێنەدان، پەیوەندی بەو ژمارە تەلەفۆنەوە بکەن، موقدەم شڤان ( 07504630101).

ئومێد خۆشناو

سەرۆکی لێژنەى ئەمنى هەڵبژاردنى پارێزگاى هەولێڕ