ژوورە بازرگانییەکان لە بەغدان و دەیانەوێ رێگری بازگەکان چارە بکەن

964+
ئەحمەد مستەفا

شاندێکی ژوورە بازرگانییەکانی هەرێمی کوردستان کە بەسەردانێک لە بەغدان، لەگەڵ پیشەسازکارانی عێراق کۆبوونەوە و بڕیاریان داوە لیژنەیەکی هاوبەش پێکبهێنن بۆ چارەسەر بەردەم هەناردەی بەرهەم لە شارەکانی هەرێمی کوردستانەوە بۆ عێراق.

شاندی ژوورە بازرگانییەکانی هەرێمی کوردستان لە ژووری بازرگانی و پیشەسازی هەولێر، سلێمانی، دهۆک و هەڵەبجە بەشدارن، ژووری بازرگانی و پیسەسازی هەولێر لە بڵاوکراوەیەکدا دەڵێت، بۆ چارەسەرکردنی کێشە و گرفتەکانی پیشەسازکارانی هەرێمی کوردستان، لەگەڵ یەکێتی پیشەسازکارانی عێراق ئەمڕۆ دووشەممە 14.10.2024 کۆبوونەتەوە.

بە گوێرەی بڵاوکراوەکە، لە تەوەرێکی کۆبوونەوەکە گفتوگۆ کراوە لەسەر رێگریکردنی بەرهەم و کاڵاکانی پیشەوەر و بازرگانانی هەرێمی کوردستان لە لایەن بازگەکانی عێراق و هەروەها هەوڵدان بۆ سوودمەندبوونی پیشەوەرانی هەرێم لە ماف و ئیمتیازاتەکان هاوشێوەی پیشەوەرانی ناوەڕاست و باشووری عێراق.

عادل عگاب، سەرۆکی یەکێتی پیشەسازکارانی عێراق پشتگیری خۆی بۆ داواکارییەکان نیشانداوە، لە بڵاوکراوەکەدا ئاماژە بەوەکراوە،”بە مافێکی رەوای خۆیانی نیشاندا و بەڵێنی داوە بە پێکهێنانی لێژنەیەکی هاوبەش لە هەردوولا بۆ ئەوەی لە نزیکترین کاتدا کێشەکان چارەسەر بکەن و داواکارییەکان جێبەجێ بکەن”.

ناو بەناو لە بازگەکانی، چوونە ناو موسڵ، کەرکوک، سەڵاحەدین و دیالە، رێگری لە کاڵا و بەرهەمی بازرگانانی هەرێمی کوردستان دەکرێ بۆ چووونە ناو شارەکانی عێراق، هەندێکجار بە باجێکی زۆر یان بەهۆکاری نەبوونی مۆڵەت بارهەڵگرەکان دەگێڕنەوە، ژوورە بازرگانییەکان مەبەستیانە ئەو گرفتە بنەبڕ بکەن.

سەرۆکی ژووری بازرگانی هەولێر: سڕبیا داوای هەنار و ئاوی هەرێم دەکات

هەرێم و ئێران ژووری بازرگانی هاوبەش پێکدەهێنن و رێنمایش بۆ بانگەشە دەردەکرێت