نرخى نەوت دابەزى

وریا فەتاح

پێچەوانەى هەفتەى رابردوو، نرخى نەوت لەسەرەتاى ئەم هەفتەیە بە دابەزین دەستى پێکرد.

بۆ ئەمڕۆ دووشەممە، نرخى هەر بەرمیلێک نەوتى برێنت بە 78 دۆلار و 10 سەنت مامەڵەی پێو دەکرێت و بەڕێژەى 0.94 سەنت دابەزیوە، هاوكات به‌رمیلێك نرخی نه‌وتی خاوی رۆژئاوای تێكساسی ئه‌مریكا بە 74 دۆلار و 65 سەنت مامەڵەی پێودەکرێت و بەڕێژەى 0.91 سەنت دابەزیوە.

گرژیی و ئاڵۆزییەکانى ناوچەکە لە لوبنان و یەمەن و هێرشى مووشەکيى ئێران بۆ سەر ئیسرائیل و ئەگەری هێرشی تەلئەبیب بۆ بە ئامانجگرتنی ژێرخانی ئابووری و دامەزراوە نەوتییەکانی تاران، دۆخێکى ناجێگیریان لە ناوچەکە دروستکردووە و هەفتەى رابردوو هۆکارى سەرەکى بەرزبوونەوەى نەوت بوون.