“نرخی دەرمان دیاریكراوە و كەس بۆی نییە بە زیاتر بیفرۆشێت”

ئەرسەلان عەبدوڵا

وەزارەتی تەندروستیی هەرێمی كوردستان رایگەیاند، نرخی دەرمان رێكخراوەتەوە لەسەر ستیكەرەكان دەنووسرێت، كەس بۆی نییە بە زیاتر بیفرۆشێت.

وەزارەتەكە ئەمڕۆ شەممە 12.10.2024 لە ڤیدیۆیەكی تایبەتدا روونیكردەوە ، نرخی دەرمان لە دەرمانخانەكان بە پێی ئەو نرخانە دەبێت، كە وەزارەت لەسەر دەرمانەكان دایناوە و لەسەر ستیكەری سەر دەرمانەكان دەنووسرێت.

وەزارەت هەروەها ئاماژەی بەوەداوە، هیچ دەرمانخانەیەك بۆی نییە لەو نرخەی دیاریكراوە، دەرمان بە نرخی زیاتر بفرۆشێت.