لە زاخۆ
بارهەڵگرێک ستۆپی نەما و دوو کەسی کوشت
964+
شڤان عەبدوڵا – زاخۆ
لە بازگەی زاخۆ بارهەڵگرێک ستۆپی نەما و خۆی بە ژمارەیەک ئۆتۆمبێل دا کێشا و و بەوهۆیەوە دوو کەس گیانیان لەدەستدا و سێی دیکەش برینداربوون.
نزیکەی کاتژمێر پێنجی ئێوارەی ئەمڕۆ شەممە 5.10.2024 لە بازگەی زاخۆ بارهەڵگرێک ستۆپی نەما و خۆی بە پێنج ئۆتۆمبێلـدا کێشا.
ئەمیر عەلی وتەبێژی تەندروستی زاخۆ بە 964ـی وت، “دوو کەس لە رووداوەکەدا گیانیان لەدەستداوە و سێ برینداریش گەیەنراونەتە فریاکەوتنی زاخۆ”.
ئاماژەی بەوەشکرد، برینی بریندارەکان سووکە و لەژێر چاودێری پزیشکیدان.
بەڕێوەبەرایەتی پۆلیسی زاخۆش لە راگەیەنراوێکدا دەڵێت، “ئەو دوو کەسەی گیانیان لەدەستداوە، یەکێکیان شۆفێری بارهەڵگرەکەیە کە بە رەچەڵک تورکە و تەمەنی 56 ساڵە، ئەوەی دیکەشیان منداڵێکی تەمەن هەشت ساڵە و خەڵکی پارێزگای نەینەوایە”.
ئاماژەی بەوەشکردووە، پەڕاوی لێکۆڵینەوەیان بۆ رووداوەکە کردووەتەوە و لێکۆڵینەوەکان بەردەوامن.
پێداچوونەوە: شۆڕش قادری
لە رووداوێکی هاتوچۆدا دوو منداڵ گیانیان لەدەست دا
