تیمێكی چاككردنهوهى كاره‌باى هه‌ڵه‌بجه لهكاتى دانانی بۆردێکی ڕوناکی له شارۆچکەی تەوێڵە ... وێنه: كاره‌باى هه‌ڵه‌بجه.
بۆ ئاودێری و كشتوكاڵكردنه
هه‌ڵه‌بجه گۆڕانكارى له پێدانى كاره‌باى گونده‌كان كرد
964+
فه‌رهاد حه‌سه‌ن
بەڕێوەبەرایەتی گشتی کارەبای ھەڵەبجە، به‌رنامه‌یه‌كی نوێی بۆ پێدانى كاره‌با له گونده‌كانى سنوورى پارێزگاكه‌ى دانا، ئه‌ویش زیادكردنى كاتژمێره‌كانى كاره‌بایه به‌مه‌به‌شتى كشتوكاڵكردن و ئاودێرییه‌وه.
به‌پێی پلانه نوێیه‌كه، لە کاتژمێر 4:00ـى پاشنیوەڕۆ کارەبایان پێدەدرێت تاوه‌كو کاتژمێر 6:00ـى بەیانی، هه‌ندێك جاریش پێدانى كاره‌باكه‌یان تاوه‌كو كاتژمێر 7:00 به‌رده‌وام ده‌بێت.
سه‌عیدی سه‌ید قادری خەیات، بەڕێوەبەری گشتی کارەبای هەڵەبجە ده‌ڵێت، هه‌ڵده‌ده‌ن به‌پێی پێویست زیاتر له‌و ماوه‌یه‌ش كاره‌بایان پێبده‌ن
ئاماژه‌ى به‌وه‌شكردووه، زیادكردنى كاره‌با بۆ گونده‌كان لەسەر داوای موختار و زۆربەی گوندنشینەکانه و بەمەبەستی پێدانی کاتی گونجاو بۆ ئاودانی بەروبومە کشتوکاڵیەکان.
به‌پێی ئه‌و خشته‌یه‌ی بۆ پێدانى كاره‌با له سنوورى گونده‌كانى هه‌ڵه‌بجه هه‌بوو، دوو كاتژمێر كه‌متر له‌و خشته نوێیه كاره‌بایان پێدراوه.
