سلێمانی
شەڕەتەقە روویداوە و دوو بریندار هەن
964+
ئەحمەد محەمەد – سلێمانی
نوێكرایەوە 10:20
سەرچاوەیەکی باوەڕپێكراوی تەندروستی لە سلێمانی بە 964ی وت، ” كاتژمێرێك لەمەوبەر ئاگادار كراین كە رووداوێكی تەقەكردن لەشەقامی بازنەیی مەلیك مەحمود لەنزیك گەڕەكی چوارچرا روویداوە و دوو هاوڵاتی برینداركراون و برینی یەكێكیان سەخت بووە، داوای تیمی فریاكەوتنی خێرایان كرد و دەست بەجێ تیمەكانمان چوونە شوێنی رووداوەكە”.
سەرچاوەكە وتیشی، بەهۆی سەختی برینی یەكێك لە بریندارەكان، چاوەڕێی گەیشتنی تیمەكانی سەنتەری فریاكەوتنی خێرا نەكراوە و بریندارەكان براون بۆ نەخۆشخانەی ئەنوەر شێخە.
نوێكرایەوە 10:12
کاتژمێرێک لەمەوبەر لەسەر شەقامی بازنەیی مەلیک مەحمود نزیک گەرەکی چوارچرا تەقە لە دوو گەنج کراوە.
سەرچاوەیەک لە پۆلیسی سلێمانی بە 964 وت، تەقە لە دوو گەنج کراوە و یەکێکیان فیشەک بەر سەری کەوتوە و بێ هۆشە، ئەوەی دیکەیان بەر قاچی کەوتوە و تەندروستی جێگیرە.
سەرچاوەكەی پۆلیس وتی، هێشتا هیچ زانیارییەک لە بارەی تەقەکەرەکانەوە نییە و هەڵهاتون.
هەواڵی سەرەتا
سەرچاوەیەكی ئاگادار بە 964ی راگەیاند لە شەقامی 60ی خوارەوە شەڕەتەقە روویداوە و دوو كەس بریندار بوون.
سەرچاوەكە دەڵێت، یەكێك لە بریندارەكان برینەكەی سەخت بووە و براوەتە نەخۆشخانەی ئەنوەر شێخە.
پێداچوونەوە: ئەرسەلان عەبدوڵا
