دۆناڵد ترەمپ
سەرۆکە “تویت”چییەکە زۆر وردە و بە زمانی جەستە زۆر شت دەدركێنێت
+964
ژووری هەواڵ
لەساڵی 2009 تا 2023 زیاتر لە 57 هەزار تویتی کردوە، 25000 تویتی لە وەختی سەرۆکایەتیدابوو جگە لەوەی لە کاتی هەڵبژاردنەکاندا 8000 تویتی کرد
پیاوێکی بەحسابات و وردە، هەمیشە لە یەکتربینینەکانیدا بە کاردانەوە سەیرەکانی هیچ کەس لێی نەدەبردەوە، چونکە لە راستیدا ترەمپ پیاوێک بوو لە پێرفۆرمانس و زمانی جەستەی زۆر شتی پێ دەوتین.
تەنیا ئەوکاتانە نەبێت کە دیداری ئێمانوێل ماکرۆنی دەکرد، هەموو زیرەکی و وردبینیەکانی پێچەوانە دەکردەوە، چونکە ئەویش وردبینە لە جوڵەکانی خۆی و دەزانێت چی دەکات.
ترەمپ لە سەر و وەختی هەڵبژاردنەکان بۆ 46ـەمین سەرۆکی ئەمریکا چەند جارێک زۆر بە دڵنیایی و بێ منەتانە دەیوت، کە ئەمجارەش هەڵدەبژێرێمەوە وەک سەرۆکی ئەمریکا بۆ چوار ساڵی داهاتوو، هەروەها دڵنیاش بن دوای ئەوە دیسان هەڵمدەبژێرنەوە بۆ هەشت ساڵی داهاتوو، لەدوای هەموو ئەم بێمنەتی و هەوڵانەی، خەڵکی متمانەیان پێ نەکردەوە ئەویش ملکەچی نووسینی نامە کلاسیکییەکەی سەرۆکایەتی بوو بۆ سەرۆکی دوای خۆی.
ترەمپ كۆڵی نەداوە و ئەمجارەش هاتووەتە مەیدان و كاندیدی كۆمارییەكانە بۆ هەڵبژاردنی سەرۆكایەتیی ئەمریكا، كە دوو مانگی دیكە هەڵبژاردنەكە دەكرێت و ركابەریی دەكات بۆ ئەوەی جارێكی دیكە بگەڕێتەوە كۆشكی سپی و جڵەوی زلهێزترین وڵاتی دنیا بگرێتەدەست.
