لە هەولێر تاقیکردنەوی هزری بیرکاری بەپەنجەکانی دەست بەڕێوەچوو

شۆڕش هەرکی— هەولێر

لە هەولێر بە بەشدارى 150 قوتابى، تاقیکردنەوەى هزرى بیرکارى بە پەنجەکانى دەست بەڕێوەچوو، یەکێک لە قوتابییەکانیش زیرەکانە لێکدان و کۆکردنەوە و کەمکردنەوەى ژمارەیەکى قورس دەگەیەنێت بە ئەنجام.

هەڵوێست ئەحمەد، سەرپەرشتیاری چالاکییەکە بە964ـى وت،”بۆ جاری یەکەمە لەسەرئاستی هەمووشارەکان قوتابی بەشداربێت و تەنانەت لەدەرەوەی وڵاتیش بەئۆنلاین لەگەڵمان بەشداربوون، ئامانجی تاقیکردنەوەکە بۆ زیاتر گرنگی دانبوو بە هزری قوتابیان”.
چەند قوتابییەک قسەیان بۆ 964کرد و پەیامنێری 964 پرسیاری بیرکاری لێکردن و ئەوانیش بە پەنجەکانیان حسابیان کرد و وەڵامی دروستیان داوە.

پرۆگرامی sd math پرۆگرامێکی هزری بیرکاری نێودەوڵەتییە لەچەندین وڵات هەیە و ئامانج لێی بەرزکردنەوەی ئاستی قوتابیانە.

پێداچوونەوە: وریا فەتاح