“کورد زۆر حەزی لە بەرپرسیارییەتییە و هەمیشە هەوڵدەدەن کەسی یەکەم بن”

+964
بڵند عەلی

ئیدریس عەبدی سینەماکار میوانی ئەم جارەی سکرین شۆتە، باسی فیلمی دۆکیۆمێنتاری و جیاوازییەکانی دەنگ لە فیلمی فیکشن دەکات

ئیدریس عەبدی دەرهێنەر و دەنگ هەڵگر و مۆنتێر و سینارپستە، هەرچی پەیوەندی بە سینەماوە هەبێت ئیدریس لێی دەزانێت، لە هەمان کاتدا رەخنەگرێکی باشی بواری سینەمایە، خەڵکی رۆژهەڵاتی کوردستانە ماوەی زیاتر لە 15 ساڵە لە باشووری کوردستانە و لە بواری سینەمادا کار دەکات، وەک دەنگهەڵگر و دیزاینەری دەنگ لەگەڵ زۆرێک لە دەرهێنەرە دیارەکانی کورد کاری کردووە

ئیدریس عەبدی لەسەر دەنگ قسە دەکات و دەڵێت؛ گەر دەنگ نەبێت ناتوانی دەنگی بێدەنگی پیشان بدەین و دەڵێت هاوشێوەی وێنە و ڤیدیۆ دەنگیش پێویستی بە رەنگکردن لە رێگای ئەوەی کە پێی دەڵێن دیزاینی دەنگ.

زۆربەی زۆری دەرهێنەرە کوردەکان ئەوەی کە لەلایان گرنگە تەنیا ئەوەیە ئەو دایەلۆگانەی لەناو فیلمەکاندا هەن باش دەربچن و هیچیتر””

ئیدریس عەبدی دەڵێت چەندە تەنیا دەنگ هەڵگر بەس نییە بۆ ئەوەی لە دەنگ تێبگات، دەبێت دەرهێنەر و بەڕێوەبەری وێنەگرتنی فیلمیش دەبێت تێگەیشتنێکی باشیان هەبێت بۆ دەنگ.

لە بەشێکی پۆدکاستەکەدا ئیدریس عەبدی باس لە رۆڵی گرنگی فیلمی دۆکیۆمێتاری دەکات و دەڵێت ئەو خۆشەویستییەی کە بۆ فیلمێكی دۆکیۆمێنتاری هەیەتی بۆ فیلمی فیکشن نیەتی و چێژی ناداتێ، دەشڵێت، “هێشتا فیلمی شاردنەوەی سەدامم نەدیوە، بەڵام وەک لەسەرم خوێندووەتەوە و خەڵک باسی دەكەن، فیلمەكە جارێکی دی واقیعی دروست کردووەتەوە، بەڵام مەرجیش نییە واقیعەکە راست بێت”.

لەم لینکەوە بینەری تەواوی بەرنامەکە بن

شانیا لە سکرین شوتەوە وەڵامى پرسیارەکان دەداتەوە