تیمەکانی بەرگری شارستانی لە کاتی کۆنتڕۆڵ کردنی ئاگرەکە وێنە: بەرگری شارستانی گەرمیان
لەگەڵ سێ ئۆتۆمبێل و غەسلێک
ئاگر لە بەنزینخانەیەک کەوتەوە و کەسێک سووتا
964+
ژێوار خدر
بەنزینخانەیەک لە گوندی ساڵح ئاغا سووتا و بەهۆیەوە کەسێک بریندار بوو و سێ ئۆتۆمبێل و دوکانێکی غەسلی ئۆتۆمبێلیش سووتان.
بنکەی بەرگریی شارستانی کەلار رایگەیاند، ئەمشەو یەکشەممە، ئاگادار کراونەتەوە کە ئاگرێک لە بەنزینخانەیەک لە گوندی ساڵح ئاغای گەرمیان کەوتووەتەوە، بەهۆیەوە جگە لە برینداربوونی کەسێک سێ ئۆتۆمبێل و دووکانێکی غەسلیش سووتاون.
روونیشیکردووەتەوە، بریندارەکە گوازراوەتەوە بۆ نەخۆشخانەی شەهید هەژار و لە ماوەی یەک کاتژمێردا توانیویانە ئاگرەکە کۆنتڕۆڵ بکەن و بە بەشداری هەر یەک لە بنکەکانی ئاگرکوژێنەوەی: کەلار، قۆرەتوو، شەهیدان، پیشەسازی و رزگاری.
ئەو ئۆتۆمبێلانەشی کە سووتاون لە جۆرەکانی مۆنیکا، جێب چیرۆکی و دوو تەنی بوون.
