دەوامى پاسپۆرتى سلێمانى کەمکرایەوە

964+

وریا فەتاح

دواکەوتنى موچە، دەوامى بەڕێوەبەرایەتى پاسپۆرتى سلێمانى کەمکردووەتەوە و داوا لە هاوڵاتیان دەکرێت پێش 12ـى نیوەڕۆ سەردانیان بکەن بۆ ئەوەى مامەڵەکانیان بۆ رایى بکرێت.

موقەدەم بەیان جەمال، بەرپرسى راگەیاندن و پەیوەندییەکانى بەڕێوبەرایەتى پاسپۆرتى سلێمانى بە 964ـى وت،” رۆژانە لە یەکشەممە تا پێنجشەممە، کاتژمیر 8:30 خولەک بۆ 2ـى پاشنبوەڕۆ دەوام دەکەن، بۆیە پێویستە هاوڵاتیان پێش کاتژمێر 12ـى نیوەڕۆ سەردانمان بکەن تاکو فریاى مامەڵەکانیان بکەون.

وەک باسى دەکات، پێشتر تا کاتژمێر 4:30 خولەک دەوام دەکرا، بەڵام ئێستا کراوە بە کاتژمێر 2:00 و بەهۆى دواکەوتنى موچە دەوام کەمکراوەتەوە.

ئاشکراشى کرد، رۆژانە مامەڵەى 900 کەس رایى دەکەن بۆ دەرکردنى پاسپۆرت و وەرگرتنەوەى.

پاسپۆرتی سلێمانی دەرهێنان و نوێکردنەوەی پاسپۆرت رادەگرێت