"بەهۆی شۆرتی کارەبا"

لە سۆران ئۆتۆمبێلێک ئاگری گرت

2024-08-26 | 22:13

964+

شۆڕش قادری

لە قەزای ناوەندیی سۆران، ئۆتۆمبێلێک بەهۆی شۆرتی کارەباوە ئاگری گرت و زیانی ماددی لێکەوتەوە.

کاراوان میراودەلی وتەبێژی بەرگری شارستانی سۆران بە 964ـی وت، “ئەمڕۆ دووشەممە 26.8.2024 ئاگادار کراینەوە کەوا ئاگر لە ئۆتۆمبێلێکی جۆری هیۆندا ئەکسێنت لە گەڕەکی بەرخودان لە قەزای ناوەندی سۆران کەوتووەتەوە”.

ئاماژەی بەوەشکردووە، دوای ئاگادارکردنەوەیان دەستبەجێ دوو تیمیان گەیشتوونەتە شوێنی رووداوەکە و توانیویانە، ئۆتۆمبێلەکە لە سووتان بپارێزن.

“جگە لە کەمێک زەرەری ماددی، رووداوەکە هیچ زیانێکی گیانی نەبوو”، کاروان میراودەلی وای وت.