ئایا راستە ژنێك لە كۆیە بە یەك سک حەوت منداڵی بووە؟

+964

ژێوار خدر

لە بەشێك لە تۆڕە کۆمەڵایەتییەکان دوێنێ وا بڵاوکرایەوە گوایە لە نەخۆشخانەی فێرکاری شەهید د.خالید لە کۆیە، ژنێک بە سکێک حەوت منداڵی بووە، 964 بەدواداچوونی بۆ ئەو بابەتە کرد و دەرکەوت کە ئەو هەواڵە دوورە لە راستییەوە.

ئەمڕۆ یەکشەممە، ئازاد رەمەزان، جێگری بەڕێوەبەری نەخۆشخانەی فێرکاری شەهید د.خالید، بە 964ـی وت، هەواڵەکە بەم شێوەیە نییە کە لە تۆڕە کۆمەڵایەتییەکان بڵاوکراوەتەوە و دوورە لە راستییەوە.

وتیشی، دوێنێ لە نەخۆشخانەکەمان بە کۆی گشتی حەوت منداڵ لەدایک بوون، كە حەوت ژن حەوت منداڵیان هێناوەتە دنیا، نەک ژنێك بە یەك سك حەوت منداڵی بووبێت.

ئەوەشی باس كرد، پێنج لەو منداڵانە لە رێگەی نەشتەرگەری و دووانیشیان بە سروشتی لەدایک بوون.

ئاگر لە هۆڵی نەشتەرگەری نەخۆشخانەی منداڵبوونی دهۆک کەوتەوە