قەزای پێنجوێن
منداڵێك بە رووداوی هاتوچۆ گیانی لەدەست دا
+964
کامیار کەمال- پێنجوێن
لە پێنجوێن منداڵێکی تەمەن دوو ساڵان بە رووداوی هاتوچۆ گیانی لەدەست دا.
بەهمەن عەبدوڵا، وتەبێژی پۆلیسی هاتوچۆی سلێمانی بە 964ـی راگەیاند، رووداوەکە لە گەڕەکی قەسابخانەکە لە قەزای پێنجوێن روویداوە و ئۆتۆمبێلەکەش جۆری توێوتا هایلۆکس بووە.
وتیشی، منداڵەکە لە رەگەزی نێرە و شۆفێرەکە خۆی گواستویەتەوە بۆ نەخۆشخانە و باسی لەوەش کردووە، کە منداڵەکەی گواستووەتەوە هێشتا لە ژیاندا مابووە و لە نەخۆشخانە گیانی لەدەستداوە.
روونیشیکردەوە، بە گوێرەی زانیارییە سەرەتاییەکان منداڵەکە رایکردووەتە بەردەم سەیارەکە و زەبر بەر سەری کەوتووە.
هەروەها ئەوەشی باس كرد، ئێستا شۆفێرەکە راگیراوە و لێکۆڵینەوە لە رووداوەکە دەکرێت.
پێداچوونەوە: ژێوار خدر
جوتیارێکی پێنجوێن ده‌ڵێت: دوو تۆن شووتییان لێ دزیوم
