ساتی دروستکردنی راگرەکان. فۆتۆ: شارەوانی سۆران
بۆ رێگریکردن لە رۆچوون
دیواری پاڵپشت بۆ ژمارەیەک گەڕەکی سۆران دروستدەکرێت
964+
ژووری هەواڵ
لە ئیدارەی سەربەخۆی سۆران ژمارەیەک گەڕەک هەن لە هەوراز و نشێو بونیاد نراون، بەشێک لە هەورازەکان مەترسی رۆچوونیان لەسەرە، بۆیە بڕیاردراوە بە کۆنکرێت چارەسەر بکرێن.
ئەمڕۆ یەکشەممە 18.8.2024، سەرۆکایەتی شارەوانی سۆران رایگەیاند، لە گەڕەکی بارزان پڕۆژەی دروستکردنی دیواری پاڵپشت دەستیپێکردووە و لەسەر بودجەی ئیدارەکە جێبەجێدەکرێت.
پرۆژەی دروستکردنی راگر بۆ گەڕەکەکان بڕی یەک ملیار و 251 ملیۆن و 743 هەزار دیناری بۆ تەرخانکراوە و کۆمپانیای “قشت” جێبەجێیدەکات.
بەگوێرەی راگەیەندراوی سەرۆکایەتی شارەوانی سۆران، دەبێت راگرەکان لە ماوەی 200 رۆژدا تەواو بکرێن.
