لەسەر کوشتنی کەسێك لە ناحیەی تەکیە سێ تۆمەتبار دەستگیر کران

توانا نەقی

لەلایەن پۆلیسی ناحیەی تەکیەی چەچەماڵەوە له‌سه‌ر دۆسیه‌ی‌ كوشتنی کەسێک و برینداركردنی‌ كه‌سێك دیکە سێ تۆمه‌تبار ده‌ستگیركران.

ئەمڕۆ شەممە، پۆلیسی سلێمانی بڵاویکردەوە، شەوی رابردوو لە ناحیەی تەکیەی کاکەمەند شەڕ و ئاڵۆزی لە نێوان دوو بنەماڵە دروستبوو، بەهۆی شەڕەکەوە کەسێک کوژراوە و کەسێکی دیکە بریندار بووە.

دەشڵێت، توانراوە لەلایەن مەفرەزەکانی پۆلیسی تەکیە و بەهاوکاری پۆلیسی دوکان سێ تۆمەتباری ئەو رووداوە دەستگیر بکەن.

ئێستادا تۆمه‌تباران (ل، ع، ع ) (د، ل، ع) (د، ل، ع) به‌ بڕیاری‌ دادوه‌ر و به‌ پێی‌ مادده‌ی‌ 406 له‌ یاسای‌ سزادانی عێراقی راگیراون‌ و لێكۆڵینه‌وه‌كان به‌رده‌وامه‌.