لە سلێمانی بەنزین گران بوو

شۆڕش قادری

نرخی بەنزین لە سلێمانی و قەزا و ناحیەکانی بەرزبووەوە و بۆ هەر لیترێک 25 دینارى چووەسەر.

بەهمەن قادر وتەبێژی بەنزینخانەکانی سلێمانی بە 964ـی وت،”نرخی هەر لیترێک بەنزین 25 دیناری چووەتەسەر، واتە لە ئێستادا لە سلێمانی، هەر لیترێک بەنزینی نۆرماڵ بە 875 دینار، موحەسەن بە هەزار و 75 دینار و بەنزینی سۆپەریش بە هەزار و 225 دینار دەفرۆشرێت”.

“گرانبوونی بەنزین لە سلێمانی کاریگەری لە سەر قەزا و ناحیەکانیش دەبێت و بە دڵنیاییەوە لە ناوچەکانی دیکەش نرخەکەی بەرزدەبێتەوە”، بەهمەن قادر وای وت.

وتەبێژی بەنزینخانەکانی سلێمانی داوایشی لە هەر دوو حکومەتی عێراق و هەرێم کرد، پڕۆسەی پێدانی بەنزینی 690 دیناری بە پاس و تەکسی و هێڵەکانی گواستنە دەستپێبکەنەوە، چونکە بە وتەی ناوبراو، “راگرتنی پڕۆسەکە کاریگەری لەسەر گرانبوونی بەنزین هەبووە”.