زانکۆی دهۆک 20 کورسی خوێندنی دکتۆرا رادەگەیەنێت

ژێوار خدر

زانکۆی دهۆک بۆ ئەمساڵی خوێندن، 20 کورسی خوێندنی دکتۆرا بۆ چەند بەشێکی جیاواز لە وڵاتانی دەرەوە رادەگەیەنێت .

لوقمان هادی، یاریدەدەری سەرۆکی زانکۆی دهۆک بۆ کاروباری زانستی و خوێندنی باڵا بە 964ـی وت، خوێندنەکە بە شێوەی سپڵیت سایت دەبێت، واتە خوێندکار دەنێردرێتە زانکۆکانی دەرەوەی وڵات بۆ خوێندن.

وتیشی، 10 دانە لە کورسییەکانی خوێندن بە خۆڕایین و 10 دانەکەی دیکەشیان بە شێوازی پاڕاڵێڵ واتە لەسەر ئەرکی خوێندکارخۆی دەبێت.

”خوێندکاران لە هەر یەک لە وڵاتەکانی: ئیمارات، ئەمریکا، بەریتانیا، مالیزیا، تورکیا، ئیتاڵیا و چەند وڵاتێکی دیکەش دەتوانن بخوێنن بەپێی ئەو بەشەی کە تێیدا دەخوێنن.” لوقمان هادی وای وت.

خوازیاران دەتوانن لە ئێستاوە داواکاری پێشکەش بکەن و مامەڵەکانیان ئامادە بکەن تا 26.8.2024.

پڕۆگرامەکە هەر یەک لە بەشەکانی: (زمانی ئینگلیزی، ئەندازیاری کارەبا و کۆمپیوتەر، ئەدازیاری شارستانی، بەرهەمی گیانەوەری، دارستان، کارگێڕی کار، ژمێریاری، ماتماتیک، کیمیا، بایۆلۆجی، یاسا و زمانی ئینگلیزی پەروەردەی بنەڕەت) پێکهاتووە.

تەواوی مەرج و رێنماییەکان لە رێگەی ئەم لینکەوە ببینە