لەبەر تاقیکردنەوەکانە

کاتی دەوامکردنی دەستەی کارگێڕیی ناوەندەکانی خوێندن گۆڕدرا

2024-08-15 | 21:20

964+

ژووری هەواڵ

وەزارەتی پەروەردەی كوردستان نووسراوی ئاراستەی سەرجەم پەروەردەکان کردووە و داوایان لێدەکات دەوامی دەستەی کارگێڕی ناوەندەکانی خوێندن بکەنە رۆژانی یەکشەممە و پێنجشەممە.

ئەمڕۆ پێنجشەممە 15.8.2024، وەزارەتی پەروەردە نووسراوێکی بڵاوکردەوە و تێیدا هاتووە، دەبێت سەرجەم ناوەندەکانی خوێندن دەوامی دەستەی کارگێڕیان بکەنە رۆژانی یەکشەممە و پێنجشەممە.

بە گوێرەی نووسراوەکە، هۆکاری گۆڕینی دەوام دەستپێکردنی تاقیکردنەوەکانی خولی دووەمی 12ـی ئامادەییە.

بە گوێرەی خشتەكان، تاقیكردنەوەكانی خولی دووەمی 12ـی ئامادەیی لە 17.8.2024 دەستپێدەكەن و لە 2.9.2024 كۆتاییان دێت.