لەسەر رێگای سەروچاوە

لە رووداوێکی هاتوچۆ دا نۆ کەس برینداربوون

+964+

توانا نەقی

لە سنووری ئیدارەی راپەڕین رووداوێکی سەختی هاتوچۆ لە نێوان دوو ئۆتۆمبێل روویداوە و بەهۆیەوە نۆ کەس بریندارن و برینی یەکێکیان سەختە.

ئەمڕۆ یەکشەممە، هاتوچۆی راپەڕین بڵاویکردەوە، رووداوی هاتوچۆکە لەسەر رێگای سەروچاوە – کۆمەڵگای شکارتە روویداوە و لە جۆری پێکدادان بووە.

دەشڵێت، ئەو ئۆتۆمبێلانەی پێکدادانیان کردووە لە جۆری نیسان سێنترا و پیکابێکی دێر بووە و لێکۆڵینەوەکانی هاتوچۆ لەسەر رووداوەکە بەردەوامە.