964+
دواى دابەزینەکەى هەفتەى رابردوو
نرخى نەوت بەرز بووەوە
964+
وریا فەتاح
لە یەکەم رۆژى هەفتەى نوێى بازاڕى نەوت، نرخى نەوت پێچەوانەى کۆتاییەکانى هەفتەى رابردوو بە بەرزبوونەوە دەستیپێکرد، بەڵام بەرزبوونەوەکە زۆر نییە.
لە کۆتاییەکانى هەفتەى رابردوودا دۆخى رۆژهەڵاتى ناوەڕاست و هەڕەشەى ئێران بۆسەر ئیسرائیل، نرخى نەوتى بەشێوەیەکى خێرا دابەزاند.
بەپێى داتاکانى بازاڕى جیهانى بۆ ئەمڕۆ دووشەممە، هەر بەرمیلێک نرخی نەوتی برێنت بە 76 دۆلار و 92 سەنت مامەڵەى پێوە دەکرێت، بەوەش نرخەکەی 0.11% بەرز بووەتەوە.
هاوکات نرخی نەوتی سووکی تێکساسی ئەمریکا 73 دۆلار و 52 سەنتە و وەک خۆى ماوەتەوە و گۆڕانکارى بەسەردا نەهاتووە.
کوژرانى ئیسماعیل هەنییە، سەرۆکى مەکتەبى سیاسى بزوتنەوەى حەماسى فەلەستینى لە تاران و هەڕەشەى تۆڵەکردنەوە لە ئیسرائی لەلایەن ئێرانەوە، نرخى نەوتى بەشێوەیەکى خێرا دابەزاند.
هۆکارێکى دیکەى دابەزینى نرخى نەوت، بەرزى قەبارەى نەوتى کۆگاکراوى ئەمەریکییە.
