وێستگەیەکی کارەبا لە چەمچەماڵ - وێنە: پەیجی کارەبای سلێمانی لە فەیسبووک
راهێنانیان پێدەکرێت
فەرمانبەرانی شەش هۆبەی چاکسازی کارەبا لە چەمچەماڵ فێری خۆپارێزی دەکرێن
964+
ژووری هەواڵ
لە سنووری چەمچەماڵ راهێنان بە فەرمانبەرانی هۆبەکانی چاکسازی کارەبای شەش ناوچە دەکرێت و فێردەکرێن کە چۆن لەکاتی کاردا سەلامەتی خۆیان بپارێزن.
ئەمڕۆ یەکشەممە 4.8.2024، سیروان محەمەد، وتەبێژی کارەبای سلێمانی بە 964ـی راگەیاند، خولەکە تەنیا ئەمڕۆ بەردەوام دەبێت و جێبەجێكردنی خۆپارێزی چاككردنەوەی تۆڕەكان بەشێکن لە وانەکان کە دەوترێنەوە.
بەشداربووانی خەلەکە پێکهاتوون لە فەرمانبەرانی هۆبەكانی چاکسازی كارەبای ئاغجەلەر، چەمچەماڵ، شۆڕش، قەرەهەنجیر، تەکیە و قادرکەرەم.
“خولەكە لەلایەن سەمیرە حەمە ساڵح یاریدەدەری هونەری بە هاوکاری گۆنا عەزیز یاریدەدەری بەڕێوەبەری هونەری وترایەوە”، بەڕێوەبەرایەتی کارەبای سلێمانی وا دەڵێت.
