منداڵەکانیان بەکارهێناوە
لە هەولێر ژن و پیاوێک لەسەر دزیکردن دەستگیر کران
میدیا گۆران
ژن و پیاوێک لە هەولێر بە تۆمەتی دزینی مۆبایل و پارەی خەڵک دەستگیرکران کە منداڵەکانیشان بۆ سەرقاڵکردنی خەڵک بەکاردەهێنا.
ئاسایشی هەولێر لە ماڵپەڕی فەیسبووک دەستگیرکردنی دوو کەسی راگەیاند کە ژن و پیاوێکن بە ناوی (ب، ز، ت) و (م، ن، ح) بە تۆمەتی دزیکردن، تۆمەتبارە ژنەکە دوو منداڵەکەی کە تەمەنیان حەوت بۆ 10 ساڵە بۆ سەرقاڵکردنی خەڵکەکە بەکارهێناوە دواتریش خۆی مۆبایل و جانتای پارەی دزیوە.
سەبارەت بە تۆمەتبارە پیاوەکە دەڵێن، جامی چەندین ئۆتۆمبێلی شکاندووە و کەلوپەلی ناو ئۆتۆمبێلەکانی دزیوە.
بەپێی ئەو ڤیدیۆیەش کە بەڕێوەبەرایەتی ئاسایشی هەولێر بڵاویکردووەتەوە، تیمەکان توانیویانە لە کامێرای چاودێرییەوە ناسنامەی تۆمەتبارەکان دەستنیشان بکەن و دەستگیریان بکەن.