وێنە: سەرۆکایەتی شارەوانی رانیە
بە گرێبەستی سێ ساڵ
شارەوانی رانیە 14 دوکان بەکرێدەدات
964+
ژووری هەواڵ
شارەوانی رانیە نوسراوێکی بڵاوکردووەتەوە و دەڵێت، بەنیازن 14 دوکان بەکرێبدەن هەرکەس خوازیارە با داوا بکات.
ئەمڕۆ چوارشەممە 31.7.2024، شارەوانی رانیە رایگەیاند، بەپێی یاسای فرۆشتن و بەکرێدانی موڵکەکانی دەوڵەت، لە ناوچەی پیشەسازی 14 دوکان بۆ ماوەی سێ ساڵ و بەشێوەی گرێبەست بەکرێدەدەن.
بڕی کرێی دوکانەکان بەشێوەی زیادکردنی ئاشکرا دیاریدەکرێت و دوای مانگێک لە شارەوانی رانیە دەتوانن داواکاری پێشکەشبکەن.
خوازیاران دەبێت لەدوای 30 رۆژی دیکە لە بەشی گرێبەستەکانی شارەوانی رانیە، کاتژمێر 9:00ـی بەیانی ئامادەبێت.
دەبێت خوازیار بەڕێژەی 20٪ لە نرخی خەمڵاندن، بارمتەی یاسایی لەگەڵ خۆیدا بهێنێت، شارەوانی رانیە وا دەڵێت.
