تیمێك لە بەشداربووانی خولەكە. فۆتۆ: ئاوی هەولێر
لە هەولێر
كۆمپانیایەكی بەریتانی مەشق بە ئەندازیار و تەكنیكارانی پڕۆژەكانی ئاو دەكات
964+
ئەرسەلان عەبدوڵا
ئەمڕۆ چوارشەممە 24.7.2024 ئەو خولەی مەشق و راهێنان كۆتایی دێت، كە بۆ ئەندازیاران و تەکنیککارانی ستافی پڕۆژەکانی ئیفراز 2ی هەولێر ئەنجامدرابوو.
ئەندازیار خالید عەلی جەژنیكانی، تیم لیدەر لە خولەكە و ئەندازیار لە ئیفراز سێ، بە 964ی وت، خولەكە بۆ ئەندازیاران و تەكنیكاران و ئیشپێكەری ترومپاكانی ئاو لە لایەن کۆمپانیای (biwater)ـی بەریتانی رێكخراوە.
وتیشی، خولەكە بە شێوەیەكی مەیدانی بوو لە هەرسێ وێستگەی دەواجن، خابت و ئیفراز 2.
“خولەكە زۆر چڕوپڕ و پڕ زانیاری بوو، بۆ زیاتر شارەزابوون و كاركردن لە پڕۆژەكانی ئاو و پاڵاوتن، بەشداربوون دابەشی دوو گرووپ كراون، میكانیكی و كارەبایی و سوودێكی زۆرمان لە خولەكە وەرگرت”
ئەندازیار خالید عەلی وای وت.
خولەكە ماوەی شەش رۆژی خایاند و 24 كەس تێیدا بەشداربوون، ئەمڕۆش دواڕۆژی خولەكەیە.
