ژنێکی عێراقی ترەمپ دەکاتەوە بە سەرۆکی ئەمریکا

ژووری هەواڵ

ترەمپ بۆ ئەوەی ببێتەوە بە سەرۆکی ئەمریکا عەقڵی خۆی داوەتە دەست ژنە پارێزەرێکی عێراقی هەیە و ئەو پێی دەڵێت چی بکات و چی نەکات.

ئەلینا حەبە ژنێکی تەمەن 40 ساڵانە و دایکی سێ منداڵە، ئێستا راوێژکاری یەکەمی کەمپەینەکەی دۆناڵد ترەمپە بۆ سەرۆکایەتی ئەمریکا.

ئەلینا لە نیوجێرسی لە دایکبووە، بەڵام دایک و باوکی لە ساڵانی هەشتاکانی سەدەی رابردوو عێراقیان جێهێشتووە و چونەتە ئەمریکا، ئیتر هەر لەوێ خوێندوویەتی و لە هەردوو زانکۆی لیهای و زانکۆی وایدنری بەنسلڤانیا بەکالۆریۆسی لە یاسا بەدەستهێناوە.

ئەم ژنە عێراقییە لە یانەیەکی گۆڵف ترەمپی ناسیوە و دوای ئەوە بووەتە پارێزەری لەو داوایانەی لەسەری بووە، دوای ئەوەش بووەتە وتەبێژی یاسایی و ئینجا راوێژکاری یەکەم.

میدیا ئەمریکییەکان دەڵێن ئەلینا خان تەنیا راوێژکارێک نییە، بەڵکو جەماوەر بۆ ترمپ کۆدەکاتەوە و کەمپەینەکەی بەڕێوەدەبات، ئەو کەسێکی یەکلاکەرەوەیە لەوەی ترەمپ ببێتەوە بە سەرۆک یان نا.