بچوکی تەرمی منداڵە خنکاوەکەی بێخاڵ رێگرە لە دۆزینەوەی

964+

توانا نەقی

ئەمڕۆ 10 رۆژی تەواوە منداڵێکی تەمەن دوو ساڵ لە سنووری رواندز و لە هاوینەهەواری بێخاڵ خنکاوە و تا ئێستا تەرمەکەی نەدۆزراوەتەوە.

بەرگری شارستانی سۆران بڵاویکردەوە، تیمەکانیان بەبەردەوام بەدوای تەرمی ئەو منداڵەدا دەگەڕێن، بەڵام یەکێک لە هۆکارەکانی نەدۆزینەوەی بچووکی تەرمەکەیەتی.

دەشڵێت، بەهۆی ئاستەنگەکانی بەردەم تیمەکانیان، سەختی رووباری بێخال و بچوکی تەرمی قوربانیەکە ئەمڕۆ بۆ 10ـەیەم رۆژ نەتوانرا تەرمەکەی بدۆزرێتەوە و تیمەکانیان بەردەوام دەبن لە گەڕان.

دارین گەیلان محمد تەمەن دوو ساڵ کە لەگەڵ خانەوادەکەی بەمەبەستی گەشت رویان لە قەزای رواندز و هاوینەهەواری بێخال کردبوو کەتووەتە ناو ئاو و خنکاوە.

لە ماوەی کەمتر لە دوو مانگدا حەوت کەس لە رووبارەکانی سنوری ئیدارەی سۆران خنکاون، کە پێنجیان منداڵن و لەو ژمارەیەشدا سێ منداڵی خنکاو نەخۆشیی بیرکۆلی و ناکامیان هەبووە.

منداڵە خنکاوەکەی بێخاڵ بێ سۆراغە