منداڵێک کەوتە ژێر تراکتۆری گواستنەوەی ئاوی ماڵان و گیانی لەدەستدا

964+

شۆڕش هەرکی— هەولێر

نزیک کاتژمێر 12ـى شەوی رابردوو، منداڵێک لە ناحیەی بەحرکەی هەولێر، دەکەوێتە ژێر تراکتۆری گواستنەوەی ئاوی ماڵان و گیان لەدەست دەدات.

منداڵەکە تەمەن نۆ ساڵانەو ماڵیان لە گەڕەکی بەهارە لەم ناحیەیە.

کاروان گەردی، مامی ئەو منداڵە بە 964ـى وت، برازاکەی قوتابی پۆلی چوارەمی بنەڕەتی بووە و لەبەردەم ماڵەکەی خۆیان گیانی لەدەستداوە.

وتیشی “کاتێک تراکتۆری گواستنەوەی ئاوی ماڵان بەوێدا هاتووە، لە لای پشتەوە کەوتۆتە سەرسەری و دەمودەست گیانی لەدەستداوە”.

ماوەی چەند ساڵێکە بەهۆی کەمی و نەبوونی ئاو بەردەوام دانیشتوانی ناحیەی بەحرکە بە تانکەر ئاو دەکڕن و ئەمەش یەکەمین حاڵەتی لەوشێوەیە رووبدات.