"هەفتەیەکە خۆم نەشۆردووە"

بێئاوى هاوڵاتیانى دارەتووى هێنایە دەنگ

964+

شیراز عەبدوڵا- هەولێر

کێشەى بێئاوى، ژنان و بەشێک لە هاوڵاتیانى دارەتووى ناچار بەوە کردووە بەم گەرمایە بێنە سەرجادە و دەنگیان بەرز بکەنەوە و هاوارى کەمئاوى بگەیەنن، چونکە وەک خۆیان دەڵێن، بڕستیان لێبڕاوە و ماندوو بوون.

نیوەڕۆى ئەمڕۆ دووشەممە، بەشێک لە هاوڵاتیانى دارەتوو کە ژنان پێشڕەویان دەکەن، لە جوتسایدى گەڕەکى هەرێم گردبوونەوە و هاتوچۆی ئۆتۆمبێلەکانیان داخست.

یەکێک لەو ژنانەى بەشدارى گردبوونەوەکەى کردووە، بۆ 964 قسەى کرد و دەڵێت، هەموو ساڵێک لەگەڵ هاتنى گەرما، کێشەى نەبوون و کەمی ئاو بەرۆکمان دەگرێت، رۆژێک و دوان و سیان نییە، هەفتەیەک و دوان نییە، پێنج ساڵە لەو دۆخەدا دەژن.

وەک خۆى باسى دەکات، هەفتەیەکە خۆى نەشۆردووە و دەچن بە دەبە ئاو دەهێنن و نازانن بیخەنە موبەریدەوە یان بۆ شتى دیکە بەکارى بهێنن.

لە دەمووچاویانەوە توڕەیى و ناڕەزایەتى زۆر دەبینرێت و داوا دەکەن، حکومەت بێتە سەرهێڵ و چارەسەرێکیان بکات.

پێداچوونەوە: وریا فەتاح

بێئاوى هاوڵاتییانى گه‌ڕه‌كى سه‌یداوه‌ى له‌ هه‌ولێ...

بێئاوى هاوڵاتییانى گه‌ڕه‌كى سه‌یداوه‌ى له‌ هه‌ولێر ‌هێنایە سەر جادە