جێگر میدیا حسێن
ئەلبومی نوێی بەڕێوەیە و لە چاوی پیسیش دەترسێت
+964
دیلان محەمەد – سلێمانی
گۆرانیبێژ جێگر میدیا حسێن ئامادەکاری بۆ ئەلبومێکی نوێ دەکات بە هاوبەشی لەگەڵ باوکی و دەشڵێت، باسی لایڤ موزیک مەکەن لە چاوی پیس دەترسم.
جێگر میدیا حسێن، بە گۆرانیبێژێکی میللی دەناسرێت بەڵام جار جار ستایلکەی دەگۆڕێت و گۆرانیەکی جیاوازی بڵاودەکاتەوە، لە لێدوانێکی تایبەتدا بۆ 964 وتی، “لە چەند مانگی داهاتوو ئەلبومێکی نوێ بڵاودەکەمەوە رەنگە 7 بۆ 8 تراک بێت، باوکم لە تێکستی هۆنراوەکان هاوبەشی کردووم، بەڵام ئەمجارەیان ستایلی گۆرانییەکانم تەواو جیاوازە”.
پەیامنێری 964 باسی لایڤ موزیکەکانی لەگەڵ جێگر کردەوە، بەڵام بە پێکەنینەوە باسەکەی گۆڕی و وتی، باسی مەکە بەقوربانە کەسانێک چاویان زۆر پیسە.
پێداچوونەوەی : پەری ساڵح
