لە ئیدارەی راپەڕین سەگ 231 کەسی گەستووە

964+

پێشەوا محەمەد

لە سەرەتای ئەمساڵەوە لە ئیدارەی راپەڕین سەگ 231 کەسی گەستووە و تەندروستیی راپەڕین دەڵێت، هیچ گیانلەدەستدانێک تۆمار نەکراوە.

حاڵەتەکان لە شەش نەخۆشخانەی گشتیی ئیدارەکە تۆمار کراون، کە فریاکەوتنی خێرایان هەیە.

تەها محەمەد، وتەبێژی تەندروستیی راپەڕین بۆ 964ـی روونکردەوە، حاڵەتەکان بە پلەی یەکەم لە رانیە، دواتر قەڵادزێ و حاجیاوا زۆر بوون.

وتیشی، “هەموو تەمەن و رەگەزێک تووشی گەستنی سەگ بوونەتەوە و هەموو حاڵەتەکانیش چارەسەر کراون”.

پێشتر چەند جارێک لە لایەن قایمقامیەت و تەندروستیی راپەڕینەوە هۆشداری لەبارەی سەگی بێلانەوە دراوە، بەڵام بەپێی زانیارییەکانی 964 تا ئێستا شەڵتەرێک بۆ کۆکردنەوەیان ئامادە نەکراوە.

964 پرسیاری ئەوەی لە وتەبێژی تەندروستیی راپەڕین کرد، کێشەیان لە دەرزیی گەزازدا هەیە، ئەویش وتی، “ئەو دەرزییەمان بۆ دەنێردرێت، بەڵام بڕەکەی کەمە و هەندێ ک جار تووشی کێشە دەبین لەوبارەیەوە”.

تەندروستیی راپەڕین رێککاری توند بۆ تای خوێنبەربوون ده‌گرێته‌به‌ر