ئیدریس دادوەری بە شێوەیەکی توندوتیژ لەماڵەکەیدا دەستبەسەرکرا . وێنە : ئاڤاتوودەی
خەڵکی مەریوانە
“هاوڵاتییەک بە شێوەیەکی توندوتیژ دەستبەسەرکرا”
964+
سۆما حەکیم زادە
هاوڵاتییەکی خەڵکی مەریوان بە شێوەیەکی توندوتیژ لەلایەن هێزەکانی دەوڵەتی ئێرانەوە دەستگیر کرا.
ئەمڕۆ سێشەممە 25.6.2024، ئیدریس دادوەری، تەمەن 47 ساڵ و هاوڵاتی خەڵکی مەریوان لە رۆژهەڵاتی کوردستان، لە ماڵەکەی خۆیدا و لە بەردەم هاوسەرەکەی و پێنج منداڵەکەیدا لێیدراوە و بە شێوەیەکی توندوتیژ هێزەکانی ئیتلاعاتی دەوڵەتی ئێران دەستبەسەریان کردووە.
ماڵپەڕی هەنگاو بۆ مافەکانی مرۆڤ هەواڵەکەی بڵاوکردووەتەوە و دەڵێت: بەشێک لە کەلوپەلە کەسییەکانی، هەروەها مۆبایلی ئیدریس دادوەری دەستیانبەسەرداگیراوە و تا ئێستاش هیچ زانیارییەکی ورد لە هۆکاری دەستبەسەرکردنی و ئەو تۆمەتانەی دراونە پاڵی، هەروەها شوێنی دەستبەسەرکردنیشی دیار نییە.
