نەخۆشخانەى شەهید دکتۆر خالید لە کۆیە... وێنە: 964+
مام و برازان
لەسەر رووداوەکەى سماقوڵى پۆلیس دەستى بە لێکۆڵینەوەکرد
964+
وریا فەتاح
لە رووداوى شەڕەتەقەکەى سماقوڵى، کوژراوێک و چوار بریندار گەیەنراونەتە نەخۆشخانەى شەهید دکتۆر خالید لە کۆیە.
عەلى عەبدوڵا، بەڕێوەبەرى پۆلیسى کۆیە بە 964ـى وت،”بەداخەوە لە یەکەم رۆژى جەژن لە نێوان مام و برازا لە ناوچەى گەشتیارى سماقوڵى بووە بەشەڕ و کوژراوێک و ژمارەیەک بریندار هەیە”.
وتیشى،”دەستمان بە لێکۆڵینەوە کردووە و دواتر راگەیەنراومان دەبێت”.
بەپێى لێدوانى هاوکار عەلى، وتەبێژى تەندروستى کۆیە کە بۆ 964 قسەى کردووە، ئەو چوار بریندار و کوژراوەى گەیەنراونەتە کۆیە هى یەک لایەنن”.
وەک ئەوەى وتەبێژى تەندروستى کۆیە باسى دەکات، لە لایەنەکەى دیکەش بریندار هەیە، بەڵام بۆ نەخۆشخانەى کۆیە نەنێردراوە.
