ئەنجامدانی نەشتەرگەریی جگەر لە سلێمانی لە زیادبووندایە

964+

پێشەوا محەمەد

تەندروستیی سلێمانی رایدەگەیەنێت، مانگی پێنج دوو هەزار و 346 کەس سەردانی نەخۆشخانەی هەرس و جگەریان کردووە و 56 نەشتەرگەریش کراوە.

مانگی چوار لە هەمان نەخۆشخانە 46 نەشتەرگەریی جگەر ئەنجام درابوو.

بە پێی ئاماری بەڕێوەبەرایەتییەکە، لەو ژمارەیەی سەردانی نەخۆشخانەکەیان کردووە، 151 نەخۆشیان داخڵ کراون و 173 نەخۆش بۆ وەرگرتنی چارەسەری هەوكردنی جگەری ڤایرۆسی سەردانیان كردووە.

هەر لەو مانگەدا 269 پكشنینی هەناوبینی گەدە و 172 هەناوبینی كۆڵۆن و 52 رەنگكردنی بۆرییەكانی زراو و پەنكریاس و 26 سۆنەری بەهەناوبینی ئەنجام دراوە.

تەندروستی سلێمانی دەشڵێت، 54 وەرگرتنی نموونە بە سۆنەر و 15 وەرگرتنی نموونە لە جگەر كراوە، هەروەها  70 سۆنەر و 68 تیشك  لە نەخۆشخانەکە ئەنجام دراوە و پشکنینی خوێن بۆ هەزار و 138 نەخۆش کراوە.

لە مانگی چواری ئەمساڵدا ئەمساڵدا هەزار و 813 نەخۆش سەردانی ئەو نەخۆشخانەیەیان کردبوو.

تەندروستیی سلێمانی داوای کارمەند و پزیشک دەکات بۆ چاودێریی چڕ